My Fantastics

Sunday, March 16, 2008

食家

不嬲都有feed呀煲煲食生牛肉,由其是以前出show的日子,一日feed幾餐,有時仲半夜拍醒佢食宵夜:0 果陣係去"品味"買D有機牛陰柳過佢地食,呀牛王妹卡卡豬都好中意食佢,後來呀貓友甲介紹我"吉豬肚"果D由塔屎曼尼亞來的牛肉,好丫,我中意佢有晒牌子,話晒都係生食,有牌子就會食得安心D丫嘛:) 前果排如常地去"吉豬肚"買牛肉,但見買開果隻D樣唔多正,跟住bear到隔籬果D,嘩! 幾片成70蚊,咩料呀你:o 望真D,"和牛"禾,呢個名近排都有聽過,再望下packing個label, "Kobe",哦! 神戶呀,我識丫,牌子嘢禾,即管買黎俾呀煲煲試下先:))))

好! 如常地用凍滾水冲一冲D牛肉,再用抹手紙索乾佢,跟住用scissors剪成小片,呀卡卡豬已經係後面等得有點不耐煩,貢俾佢食先試下個market先,吓! 唔岩食? 佢食左D但又淨番好多下!!!!! 呀女! 你有無搞錯,貢貴都唔岩食,xyz*#@!!!!!!!!! 好勒! 輪到呀煲煲,不嬲都要hand-feed(almost force feed果隻)呀煲煲,係用個鉗夾住件牛肉"塞"入佢個口,好! 如常"塞"左一片入佢個口度,即時見佢兩隻大眼瞪大發光,再夾第二片牛肉,個鉗件牛肉未去到佢個口,嘩! 佢已經mark 大個口,條脷都見埋,準備迎接件"和牛"喇,真係有史以來從未見過的"奇景"呀:0:0:0全程feed得好開心,佢食到"習習"聲呀! 果然係個"食家"呀佢:p

其實我都唔中意force feed佢,但煲煲真係無食嘢引,唔駛出show後我減小左hand-feed佢,佢足足跌左成磅呀:0 而家唯有keep住一日hand feed佢一次喇,份量多番小小!!!!大家睇下佢呢兩張近照丫,覺唔覺佢瘦左好多,得番個大頭:((((

果日去"品味"都見有和牛賣,又買番D俾呀煲煲試食先,因去"品味"比去"吉豬肚"方便,如果煲煲都中意食,我可以慳番一程車錢嘛:p

果晚買左即刻開呢款佢試-係牛肩鐵板燒禾,個樣幾好丫:)

剪埋得一小碟,呀卡卡豬又係唔太踴躍:( 到煲煲, 吓! 無張開口迎接件牛肉呀:(((( 即係唔中意呀! 呀仔,碟嘢成28蚊架喇,仲貴過我果餐呀:0 都唔岩食呀?!?!

一陣間試埋另一款,如果又唔滿意,以後又要死返去"吉豬肚"度買過佢食喇:(((

12 comment(s):

YUP!!品味果D唔係好得.......
我仔B開頭都食,宜家呢D水尾嫁啦.佢個死仔聞下就閃啦!!!!!
如果係咁我一間都去吉豬島買..

By pui wah, at 3:25 PM, March 16, 2008

哦!收到! 不過品味D packing就好鬼靚囉! 貢你快Ｄ去吉豬肚度買D俾呀仔B試下喇:p

By No See, at 4:18 PM, March 16, 2008

今日去左,買唔到你圖中果隻,得平果隻,好長個名果隻呢!!一心諗住俾仔b快d試.一返到屋企嗱嗱聲開啦....點知一陣酸酸味呀!!!!!(我一開盒一定閒左味先.始終都係食生野ma)
我買左2盒,諗住買埋聽日果份,但一盒係酸味一盒係雪味呀!!!嬲死我啦!!你邊間吉豬島買呀?我上次係品味買果d都有DD酸酸味.我仲DUM晒TIM...!!浪費晒呀!

By pui wah, at 1:19 AM, March 17, 2008

aiya,典會貢架!!!!我係樂富果間買架!果隻和牛有pack好的,亦都可以去counter度指邊件要邊件架禾:p 你買果兩盒有無過期呀,最好買今日pack的then後日就到期果D,仲有,我會帶埋冰袋去載D牛肉架,運送需時丫嘛,冰住佢就唔驚變壞喇:p

By No See, at 1:55 AM, March 17, 2008

噢．．第二張好似真係瘦左好多喎．．

我屋企樓下間品味賣既牛陰柳超唔新鮮．黑黑地既．兩個牛王都唔食．

不而試下去城市豬扒買吖．肯定食到咀ｌａｍ　ｌａｍ啊．

By Kriz, at 3:25 AM, March 17, 2008

bowbow真係皇帝級享受, 有和牛又有美女!

By Fairy, at 10:31 AM, March 17, 2008

和牛....I LIKE IT....我唔洗FEED的,等我幫你試食丫!!

By 菲菲, at 12:30 PM, March 17, 2008

帝皇式享受呀...
呀bow, 你食多d先得架...

By eggegg, at 12:46 PM, March 17, 2008

我係揀當日pack果D......個期到18號的...我都有帶冰同保溫小袋袋去.因為我住粉嶺嫁!!咁我聽晚出樂富果間千.我諗下次都係一買左就係門口拆黎聞下先好D!!!!!!!!!