禍不單行 :(((( with undates!
唉........繼呀狗狗Nicko大獲嘢(Kidney Failure),又輪到呀狗狗Ringo呀,嗚............前果排佢小便有問題已經大步'覧'過左, 點知尋晚半夜聽到佢慘叫左一聲, 就發覺佢兩隻後腳無晒力,par左係個地度,我以為佢好似平時抽肋咁過一陣就無事,觀察左佢半個鐘依然沒有起色,心知不妙,睇佢仲有精神,唯有等天光再算,我入房瞓,佢用兩隻手扒下扒下都要扒到我床邊,我見佢個頭都無扒低瞓,奈何又幫唔到佢 :(
今朝起來佢情況無好轉過,心諗一定要帶佢睇vet,booking都唔做, 一到九點就'咩'佢去見vet,好彩有母親大人幫手,佢成40磅重呀, vet一見到佢,就話係spiral有問題, 即刻幫我轉介到太平道神經專科度, 十一點半終於見到vet,佢話佢應該係有嘢block左佢條脊椎,要同佢做磁力共振, check到有事就要立刻做手術.下午診所來電話照到有D軟骨block住D神經線要即刻做手術切除,都好知道個原因.到左五點左右vet來電話手術好成功,可以行得番D機會好高,當下放下心頭大石,不過仍然不敢過早高興住,vet話佢而家要插喉放小便,所以要留院兩三天,等到佢可以自行起身小便先至出院禾.明天中午可以去探佢喇:)
呢關好似又過到勒,而家對住兩隻狗狗都好大壓力下,好驚佢地突然又有D咩異樣,唉! 未必次次咁好彩又可以闖過,畢竟佢地年紀大喇,終有一次............
唉! 呢幾日又要同Nicko約時間去覆診喇,唔知今次個vet係咪繼續話佢時日無多:((((
狗狗中我最錫的Ringo
May 16
今朝診所姑娘來電話Ringo仲未肯食嘢,叫我帶佢中意的食物去探佢, 帶左喇,而家等緊探病時間到咋, 敝! 唔記得帶件自己的衣物去陪住佢等佢安心D添:( 好彩俾同事提醒:[掛係你椅背張圍巾咪得囉!] 係bor,一言驚醒發呆人,即刻將條圍巾圍上身,加料先:p
May 18
昨晚去探Ringo,佢已經無咁"扯蝦"喇(佢騰雞囉),都係唔肯食嘢,不過俾佢D至愛小食佢就"答"晒囉:0 仲未起到身vet話因為佢肥過頭禾,我想佢仲要留院一段時間.
人家常常話寵物醫病D醫藥費多驚人,昨晚深深體會到,真個"名不虛傳"呀:0 平時D clinic visit壹貳仟蚊算是碎料咋,Ringo今次入院時已交左近五位數字的deposit,昨日姑娘話佢已經用左$1x,xxx勒:0,要再交D deposit禾,好,又交喇,今次直情交個五位數字:0 我諗今次埋單就$2x,xxx無走雞:0 絕對唔係唔捨得D錢,用錢可以醫番好個病已經好好勒,有D病有錢都無得醫呀,好似呀Nicko咁,kidney failure係無得醫:( 唉! 未來一段時間要節衣縮食勒,仲要我個"天生購物狂症候群"唔好發作添呀:p
May 19
昨晚去探Ringo,第一次見佢瞓緊較,等左佢五分鐘,終於要叫醒佢因探病時間得一個鐘咋,帶左食開D糧俾佢,佢又終於肯食喇,不過要用spoon餵佢,因佢個頭dup唔低,佢好乖食晒,諗住餵埋診所供應D食物過佢,一放落佢個口度,lur都lur唔切呀,寸到佢丫:0 臨走又'暗'到佢瞓禾,佢呢幾日應該瞓得唔好,昨日先至開始習慣D卦!
今朝姑娘打來話佢對腳開始有D反應,vet話明天都可以出院返屋企等康復禾:)
posted by No See at
5/15/2006 05:44:00 PM
16 comment(s):
諗住臨瞓上嚟探吓煲煲,竟見到老師你post的呢一件事,我都好擔心呀!妳要加倍努力去
照顧佢呀,狗狗可能見妳咁偏心煲煲,咪扮吓病
嚇吓妳囉..嚇妳一餐飽,好快就無事la.
祝早日康復!
By
Anonymous, at
11:21 PM, May 15, 2006
老師見到你話狗狗有事,我都好擔心佢
不過你自己都要保重身體因為你有好多仔仔女女要照顧ga!
祝狗狗快D好番!
By
Anonymous, at
11:47 PM, May 15, 2006
ringo加油呀!
By
菲菲, at
12:29 AM, May 16, 2006
老師,佢地年老生病無可避免,妳唔好太擔心,有咩事我可以幫手,唔駛客氣,隨時call我,我都擔得抬得架,抬狗狗去睇醫生應該都頂得順嘅!我今晚開始練好d臂力先!
笑吓啦,我地都支持妳架!
By
Anonymous, at
12:34 AM, May 16, 2006
多謝呀,好多謝呀,大家真有心喇:)
我頂得住架^0^
Eva,你真係要練大隻D呀,你真係好'un'下呀, kakakakaka....
By
No See, at
2:40 AM, May 16, 2006
no see,
睇左你段message都有D擔心,不過莫講話人啦,動物都有生老病死,好正常架,只要有生之年,佢地媽咪(即係你)甘錫佢地,已經好足夠,有時候,我都會無端端發神經稔到5R有日百年歸老,我會好傷心,所以我更加要珍惜現在,對佢地更好,anyway,唔好太擔心,你唔開心,佢地會知架.
By
Carol, at
10:24 AM, May 16, 2006
好唔開心v_v，近排實在發生太多事，所以都係果句：要珍惜眼前貓／狗，歲月不撓人，佢地生命短暫，有病痛又唔識講比主人聽，所以要係佢有生之年給予無限愛心和時間，no see同ringo都要加油加油加油!!
By
Ah duck, at
10:47 AM, May 16, 2006
原來99有事, 莫怪得老師近日無update 個blog, 老師,支持住,有咩野幫到你, 真係開聲,
希望99--nicko 同ringo可以開開心心同老師一起繼續生活 ~
By
eggegg, at
10:54 AM, May 16, 2006
Thank you 呀carol,鴨鴨同旦旦,你地講得好岩,我會架喇!
須然知道這是生物的自然定律,時間就到,擔心同唔捨得都在所難免的:( 我盡量唔會咁失控架喇:(((
By
No See, at
12:14 PM, May 16, 2006
非常同意 carol 講的說話.
生命最緊要係是否活得開心活得精彩!
no see, 小心身體呀!
By
roboman, at
12:24 PM, May 16, 2006
早日康復呀Ringo..
By
Oolong, at
1:43 PM, May 16, 2006
no see, 一上厘聽到呢個消息好唔開心呀, 好彩而家ringo好番d.
你講得啱, 錢雖然用左, 但最重要係醫番好, 佢地冇樹, 咁我地做阿媽ge最多咪食少d, 着少d lor...
By
Khloe's Handmade - 老圓日記, at
11:51 AM, May 18, 2006
aiya，終於去啱地方，至緊要醫番好，錢無左再揾過，命仔得一條，睇黎ringo好返，你要同佢減下肥好禾，轉食c/d糧啦，我隻狗狗都係食醫Vet處方Hill's c/d糧，肥糕bye bye，身材正晒，對骨骼好D
By
Ah duck, at
4:28 PM, May 18, 2006
老師,
有好轉真係開心啦! 識食零食算ok bor,佢只係胃口未回復正常jack,唔好咁擔心!好快會出院架啦! d醫虊費真係好驚人呀...我都要努力賺錢比booboo以防萬一先至得!
吓,妳咁快要壓制妳個"天生購物狂症候群"啦...去埋我地個"貓貓雜貨兩日全攻團"先啦!
By
Anonymous, at
1:15 AM, May 19, 2006
May 19睇到呢個好消息,心情都放鬆左d.
希望聽日Ringo可以出院,咁老師就唔駛再周圍撲,Ringo又可以安心係屋企休養!
By
Anonymous, at
12:58 AM, May 20, 2006
真係好啦，可以番屋企，龍床不及狗竇，祝早日復完
可能隻c/d糧的蛋白質和其他礦物質都偏低，食左D肌肉結實左，唔長脂肪，所以都長期食
By
Ah duck, at
12:37 PM, May 20, 2006
Post a comment
<< Home