My Fantastics

Saturday, October 28, 2006

希望Nicko今次又能大步檻過喇:(

今日帶左Nicko去見vet, 佢唔肯食嘢呀! vet話都係因為佢kidney的問題囉:( 要佢留院吊鹽水三日,睇下情況有無改善禾! 希望Nicko能再一次闖過喇!!!

情況不樂觀呀:((((

Oct 29
Nicko星期六evening入院,今天早上姑娘來電講述情況,話沒有好轉,當佢話醫生想問我想放棄定繼續......,D眼淚就已經忍唔住喇! 到了黃昏就去探佢, 一眼見佢,做咩個鼻孔滿是乾左鼻涕,即時問在埸姑娘,佢ge答覆同之後發生的事已經令我對這間診所失去信心,佢答我:[吓! 唔知禾! 我今日無睇過佢禾!] What!!!! 我俾佢個答案嚇/激到唔知講咩! 我想應該是中午姑娘來電話我知驗血報告時, 又話我知Nicko嘔到成身污糟,同佢沖左涼,唉! 梗係果陣時冷親佢喇. 我即刻同佢抹乾淨個鼻孔,又同佢整理下個'竇',佢就咁瞓係D報紙上面咋, 張墊又放埋一邊, 係,佢時不時又疴又嘔,都唔係唔俾D毛巾佢墊下架,搞左一輪, Nicko起身飲左D水,仲開始望我,這時,另一個姑娘出現, 佢話幫佢換過D食物,跟住我又問佢鼻涕的事, 佢個答案仲嚇人, 佢話:[佢最緊要係醫kidney個病,其他唔太重要,醫生知架喇,有俾藥佢食],我已經嬲到唔識講,你都識講佢kidney好重病,你仲要佢suffer鼻塞due to their carelessness!!!!!!!! 唉! 心諗同佢嘈都無用,等今天我熟識的兩位vet on duty再同佢地講Nicko的病況! 臨走時, Nicko用無奈的眼神望住我離開......嗚......

Oct 30
今天早上又收到姑娘來電,Nicko的情況都無好轉過,成日想push我做"安樂死"決定:( 我話想吊多一日鹽水先, 全程Dr. L都在電話旁邊,我叫姑娘講佢知Nicko caught cold in the clinic. 我聽到佢語氣很差講左D嘢,我即時非常之嬲,嬲到我而家都記唔番佢exactly講咩,大概話this doesn't matter! 之前都聽講這個vet唔好,而家親身領教過喇! 跟住同呀煲煲契媽通電話,佢提議帶Nicko睇多個vet,我都覺得應該seek for second opinion, 咁我就去接Nicko出院,係clinic見到Dr. T ,佢見到我即刻進來好關心地同我講Nicko個case,佢起碼無push我要佢pts,仲話唯一可以做就是輸血(因Nicko嚴重貧血),佢叫我睇完第二個vet,再決定是否輸血,佢會arrange明日做,佢會抽自己隻狗D血黎輸俾Nicko禾, 雖然最終決定唔輸血,我都好感謝Dr. T .

四時正去到另一個vet診所,等左half an hour,終於見到vet,佢好細仔睇Nicko的病歴,仲用ultrasound 睇Nicko個腎, 跟住佢話嘗試用一個療程激活番個腎功能(大概好似這樣),72小時就知work唔work, 如果唔work, Nicko都會捱不下去禾,因為佢個狀況真係好差:(((

Oct 31
今日全日都唔敢打去問情況:( 終於等到放工,準時七點到達診所,見到佢仍然是躺著, 唉! 周圍環境比之前診所差好多,個籠細一半有多,佢D手手腳腳同對耳隻D毛都濕晒,仲要戴住個燈罩,見到心都up埋,就用左好多紙巾同佢抹乾淨仲叫姑娘同佢站時除左個燈罩,唉! 佢周身都無力,又典會有力咬隻手果個吊鹽水針管位丫! 剛巧有另一個vet路過, brief左我Nicko的情況,現在還待觀察禾:( Nicko今日全程都好攰咁, 佢無咩點理/望我:( 唯一令我覺得有小小曙光就係我逗留左一個多鐘頭佢都無疴同嘔過.

明天, 明天再去探佢.......佢仲係咁樣, 咁點算呀? 佢係咪對個療程全無反應呀? 咁.......係咪時候俾佢離開呀?

我想帶番佢返屋企呀!!!!!!!!!!